60 കാൻസർ രോഗികൾക്ക് വിഗ്ഗുകൾ നൽകി അമലയിൽ പാലിയറ്റീ'വ് ദിനാചരണം

  • Home
  • News and Events
  • 60 കാൻസർ രോഗികൾക്ക് വിഗ്ഗുകൾ നൽകി അമലയിൽ പാലിയറ്റീ'വ് ദിനാചരണം
  • October 12, 2024

60 കാൻസർ രോഗികൾക്ക് വിഗ്ഗുകൾ നൽകി അമലയിൽ പാലിയറ്റീ'വ് ദിനാചരണം

കാൻസർ രോഗംമൂലം മുടി നഷ്ടമായ രോഗികൾക്ക് സൗജന്യമായി വിഗ്ഗുകൾ നൽകി അമല മെഡിക്കൽ കോളജ്, ലോക പാലിയറ്റീവ് ദിനാചരണം നടത്തി.അമല മെഡിക്കൽ കോളേജ് ഓഡിറ്റോറിയത്തിൽ വച്ചു നടന്ന 35 മത് സൗജന്യ വിഗ്ഗ് വിതരണ മീറ്റിങ്ങിൽ അമല മെഡിക്കൽ കോളേജ്  ജോയിൻ്റ് ഡയറക്ടർ, ഫാ. ആൻ്റണി പെരിഞ്ചേരി സി.എം.ഐ., അദ്ധ്യക്ഷത വഹിച്ചു. അമല മെഡിക്കൽ കോളേജ് പ്രിൻസിപ്പൽ ഡോ. ബെറ്റ്സി തോമസ് ഉദ്ഘാനം ചെയ്തു.  ജോയിൻ്റ് ഡയറക്ടർ , ഫാ. ജെയ്സൺ മുണ്ടൻമാണി സി.എം.ഐ. , പാലിയറ്റീവ് വിഭാഗം മേധാവി, ഡോ. രാകേഷ് എൽ. ജോൺ,  തിരുവനന്തപുരം വുമൺ പ്രൊട്ടക്ക്ഷൻ ഓഫീസർ ആൻ്റ് വുമൺ ആൻ്റ് ചയിൽഡ്  ഡവലപ്മെൻ്റ് വിഭാഗം മേധാവി, ഡോ. എം.വി. സുനിത,  അമല ആശുപത്രി വെൽനസ്സ് വിഭാഗം,  മേധാവി,   ഡോ. സിസ്റ്റർ ആൻസിൻ, അമല നഴ്സിങ് കോളേജ് വൈസ് പ്രിൻസിപ്പൽ, സിസ്റ്റർ ലിത ലിസ്ബത്ത് എഫ്.സി.സി., കേശദാനം കോ ഓർഡിനേറ്റർ, ശ്രീ. പി.കെ . സെബാസ്റ്റ്യൻ,  എന്നിവർ മീറ്റിങ്ങിൽ പ്രസംഗിച്ചു.സ്തനാർബുദം ബാധിച്ച 30  രോഗികൾക്ക് നിറ്റഡ് നോകേഴ്സും സൗജന്യമായി വിതരണം ചെയ്തു.  കേരളത്തിൻ്റെ വിവിധ ഭാഗങ്ങളിൽ നിന്നുള്ള 250 പേർ മീറ്റിങ്ങിൽ പങ്കെടുത്തു. കേശദാനം സ്നേഹദാനം ക്യാമ്പുകൾ  സംഘടിപ്പിച്ച 30 സ്ഥാപനങ്ങളെയും മുടി മുറിച്ചു നൽകിയ 35 വ്യക്തികളെയും മീറ്റിങ്ങിൽ മെമൻ്റോയും സർട്ടിഫിക്കറ്റും നൽകി ആദരിച്ചു.ഇതിനോടകം 1700 കാൻസർ രോഗികൾക്ക്  അമല മെഡിക്കൽ കോളേജ് ആശുപത്രിയിൽ നിന്നും സൗജന്യമായി വിഗ്ഗുകൾ നൽകാൻ കഴിഞ്ഞതായി അമല ആശുപത്രി, ജോയിൻ്റ് ഡയക്ടർ, ഫാ. ജെയ്സൺ മുണ്ടൻമാണി അറിയിച്ചു.   410 പുരുഷന്മാർ ഉൾപെടെ  3 വയസ്സു മുതൽ 70 വയസ്സു വരെയുള്ള സമൂഹത്തിൻ്റെ വിവിധ മേഘലകളിൽ പ്രവർത്തിക്കുന്ന പതിനേഴായിരത്തോളം പേർ ഈ സ്നേഹ കൂട്ടായ്മയിലേക്ക് 30 സെൻ്റീ മീറ്റർ നീളത്തിൽ മുടി ദാനം ചെയ്തതുകൊണ്ടാണ് സൗജന്യമായി വിഗ്ഗുകൾ കൊടുക്കുവാൻ കഴിഞ്ഞതെന്നും,ഇതുവരെ ആവശ്യപെട്ടിട്ടുള്ള എല്ലാ കാൻസർ രോഗികൾക്കും സൗജന്യമായി വിഗ്ഗുകൾ നൽകാൻ  കഴിഞ്ഞുവെന്നും ജോയിൻ്റ് ഡയറക്ടർ  ഫാ. ജെയ്സൺ മുണ്ടൻമാണി പറഞ്ഞു. അമല ആശുപത്രിയിൽ മാത്രമല്ല മറ്റ് ആശുപത്രികളിൽ ചികിത്സ തേടുന്ന രോഗികൾക്കും അമല ആശുപത്രിയിലെ പാലിയറ്റീവ് വിഭാഗത്തിൽ നിന്ന് വിഗ്ഗുകൾ സൗജന്യമായി നൽകുന്നുണ്ട്.അമല നഴ്സിങ്ങ് കോളേജിൻ്റെ നേതൃത്വത്തിൽ പാലിയറ്റീവ് കെയറിൻ്റെ പ്രാധാന്യത്തെയും സമൂഹത്തിൽ എങ്ങിനെ പലിയറ്റീവ് കെയർ ഫലപ്രദമായി നടത്താം എന്ന വിഷയത്തെയും അടിസ്ഥാനമാക്കി ഫ്ലാഷ് മോബും, ലഘു നാടകവും, ഷോർട്ട് ഫിലിം മത്സരങ്ങളും, സംഗനൃത്തവും നടത്തി.